المانيا
19/06/2017 - 10:53:23 am
|
تحذير لكل اللاجئين السورين فى المانيا أوعى تغلط بهاد الشي


كثير من السوريين أول مايصل عألمانيا أو غيرها بحب يغير جهاز موبايله لشي أحدث وطبعا عروض كتيرة بألمانيا بتكون بالتقسيط بس بدي نوهكم عشغله وصار الكل يعرفها أكيد ..

إذا بدكم تساوا فاتراك لموبايل تقسيط ( عقد ) انتبهوا لشغلة مابتوقعوا فيها وهاد الحكي للاجئ الجديد ...!!!

بيشتري الشخص مثلا موبايل S6 وبالعقد لازم يدفع مثلا 45 يورو كل شهر لمدة سنتين وطبعا الشركة لحالها بتسحب من حسابك البنكي فجأة بتجي ع حسابك أول شهر بتلاقي شركة الموبايل ساحبه 100 يورو مو 45 بتستغرب وبتقول بيجوز ضريبة (أيه شو هالضريبه هاي )
بيجي الشهر التاني كمان ساحبين أكثر من 45 (ايه لاء هيك زادت كتير ) طبعا حضرتك مو فاهم ليش لانك جديد ...!!

أنا لح قلك ليش ...
هون بيكون أول شخص لعب فيك للآسف هو العربي اللي ساويت عنده العقد وبيكون وقعك عكومة وراق وياحسرتي عليك أنت بتكون مو عارف شو فيها ومن ضمن هالوراق أنه الشركة بحقلها تسحب شو بدها من حسابك ...!!
وتاني شي بيكون حضرة جنابه موقعك على تفعيل ميزات أنت مو بعازتها (فظاعة )

لذلك وقت بتشتري خط أقساط انتبه عشو عم توقع وأطلب من المحل اللي عم توقع عنده العقد يلغي كل شي مميزات بخطك (خليك حربوء لك عيني ) وأطلب منه وهاد اﻷهم أنو أنت بتبعت للشركة 45 يورو قسط الموبايل والشركة ممنوعة تسحب من حالها ..
طبعا هنن من حقهم أول الشهر يسحبو بناءا عالعقد بس هون أنت بتلغي كل هل الحكي وبتقلبها انو أنت بتصير تدفع ....

أوعى تغلط بهاد الشي وتقول ياسمين ما خبرتنا ...
أنا هون بكتفي بكلامي ...وتاركة التعليق إلكم ..

منقول 

|
المزيد من الالمانيا
تعليقات فيسبوك
التواصل الاجتماعي
تصويت واستطلاع رئي
ارشيف الموقع