السويد
19/06/2017 - 10:49:57 am
|
جريمة كبرى فى حق لاجئة سورية طفلة عمرها 40 بسب الشرطة يوم حسبى الله ونعم الوكل


حسبنا الله ونعم الوكيل
مرة أخرى، جريمة بحق الإنسانية يرتكبها السوسيال في مملكة السويد بحق أختي صفاء الموعد و طفلتيها، هربت من الحرب في سوريا لكي يتم اختطاف أطفالها الرضع من قبل السوسيال بدعم وعلم الحكومة السويدية.
#خطفو_الرضيعتين 
اللذين يدعون #الانسانيه
.. صبايا و شباب حارتي و بلادي الكل يقرأ و يشارك 
أنا قبل كل شي إم و عندي بنتين بعمر الرضع ( وحدة عمرها أربعين يوم و التانيه عمرها سنة 3اشهر ) و عندي إياهم بالدنيا و شايفتهم و ما مصدقة 
بالعمر يلي فيو إنو الطفل يبتعد عن حضن إمو ساعة جريمة 
.. انتبهت من أكم يوم إنو إيد بنتي الأصغر حركتا مو طبيعيه ( يلي عمرها أربعين يوم ) وقتها ركضت عالمستوصف طلع مسكر لأنو يوم عطلة و كنا بدنا عالمشفى طلع لازم تحويله من المستوصف .. قعدت جنب بنتي أتوجع لوجعها و تنزل دمعتي مع دمعتها أستنى المستوصف 
طلع بالمستوصف دكتور ولا كأنو دكتور عمل فحص شامل و قلي الأمور تمام .. قلتلو بس شوف إيد البنت و حول بنتي عالمشفى و طبعا الدكتور يلي بالمشفى بيكتب تقرير إنو بنت مشعورة إيدها و الشرطة بتسأل الجيران و السوسيال ( مركز الشؤون الاجتماعية ) بفوت بالقصة و بخطفو روحي و بيخطفو عيوني بيخطفو بناتي الكبيرة و الصغيرة و بيخترعو اتهامات و بنتوقف تلت أيام أنا و زوجي كل مين بسجن لحال بغرفة .. أنا ولدت من أربعين يوم و بفترة لازمني راحة بحطوني بغرفة باردة و ببرد و بطلب حرام و بقولو ما مسموح ثلاث أيام لحتى كل جسمي صار يتوجع و بسأل عبناتي بقولو ما بنعرف و بسأل على جوزي بقولو ما بنعرف 
... بنطلع براءة و إنو ما في دليل إنو ضاربين أو آذين البنت و مع ذلك ما برجعوها بحجة إجراءات و محكمة
... البنات بدهم يرجعو غصب عنكم و القانون معنا و نحن يلي بنعرف نربي أكتر منكم بمليون مرة و أحرص منكم بمليون مرة 
أصلا إنتو يلي عملتوه جريمة و كل ساعة و بناتي بعاد عني جريمة جديدة 
.. إنتو مجرمين و خاطفين 
و إنتو يا سوسيال السويد و شرطة السويد رح تتحاسبو حتى قانونكم ضد يلي عملتوه معنا و رح تتحاسبو و الموضوع رح يكون بالقضاء و بالإعلام و بالصحافة و عالمستوى الأخلاقي و الشعبي و الإنساني و كل مين عندو ضمير أو إنسانية أو أخلاق رح يكون معي .. قصة بناتي و كل يلي عم تخطفوهم ظلم 
.. أنا إم قلبها عم يحترق كل دقيقة و عم بكتب و دموعي عم تنزل و إيدي و قلبي عم يرجفو 
*** يا رب كون معي ***
يا ناس و يا صبايا و يا شباب حارتي و بلدي كونوا معي
 

منقول من صفحة للجالية السورية 

|
المزيد من الالسويد
تعليقات فيسبوك
التواصل الاجتماعي
تصويت واستطلاع رئي
ارشيف الموقع